माछा बोकेर काठमाण्डौ आउँदै गरेको गाडीमा आगो
तराईबाट माछा बोकेर राजधानी काठमाडौंतर्फ आइरहेको गाडीमा आगलागी भएको छ । आज बिहान दक्षिणकाली नजिकै माछा बोकेको गाडी पल्टिएपछि आगलागी भएको हो ।
प्रहरीका अनुसार दक्षिणकाली ९ कालिदेवी स्कूल नजिकै आज बिहान ४ बजे भएको दुर्घटनामा माछा बोकेको गाडीमा आगो दनदनी बलेको हो । प्रहरीका अनुसार बाराबाट काठमाण्डौतर्फ माछा लिएर आएको प्रदेश नं.३ –०१–०२४ च४८७५ नम्बरको पिकअप सडकबाट १० मीटर तल खसेपछि आगलागी भएको हो ।
आगलागीबाट अगाडिको भाग जलेर पूर्ण क्षति भएको छ भने मानवीय क्षति भएको छैन । गाडीमा लागेको आगो निभाउन जुध्द बारुण यन्त्रको दमकल दुर्घटनास्थल दक्षिणकाली पुगेको थियो ।
ट्रेन्डिङ पोस्ट
टिप्पणीहरू