इनारमा खसेका बालकको उद्धारमा उत्खनन् थालियो
उत्तरी मोरक्कोको इनारमा फसेका एक बालकको उद्धारका लागि उत्खनन् थालिएको छ । तीन दिनदेखि इनारमा फसेका पाँच वर्षीय बालकलाई उद्धार गर्न खन्ने प्रयास गरिएको हो ।
मोरक्कोका सरकारी प्रवक्ताले बिहीबार बताएअनुसार इनारमा फसेका बालक भिडियो फुटेजबाट हेर्दा जिवितै देखिएका थिए । बालक मंगलबार उत्तरी सहर शेफचाउएन नजिकै ३२ मिटर गहिरो इनारमा खसेका हुन् ।
स्थानीय सञ्चारमाध्यमले बताएअनुसार इनारमा फसेका बालकलाई डोरी प्रयोग गरेर खाना र पानी दिइएको बुझिएको छ । उद्धारकर्ताहरूले बच्चालाई बचाउने प्रयासमा इनारको समानान्तर खन्ने प्रयास गरिरहेको अन्तर्राष्ट्रिय समाचार संस्था रोयर्टसले उल्लेख गरेको छ ।
ट्रेन्डिङ पोस्ट
टिप्पणीहरू