यातायात कार्यालय नजिकैको घरबाट वृद्ध खसे
भक्तपुरमा आफ्नै घरको पहिलो तलाबाट खसेर एक वृद्धले ज्यान गुमाएका छन् । आज बिहान भक्तपुर नगरपालिका–१, सल्लाघारीस्थित यातायात कार्यालय नजिकै ७८ वर्षका दिपककुमार भुसालको घरबाट खसेर मृत्यु भएको हो ।
मृतक भुसाल आफ्नै घरको पहिलो तलाबाट अचानक खस्दा घाइते भएका थिए । उनको ईवामुरा अस्पताल सल्लाघारीमा उपचारको क्रममा मृत्यु भएको महानगरीय प्रहरी परिसर भक्तपुरका प्रवक्ता राजु पाण्डेले जानकारी दिए ।
घटनास्थलमा अनुसन्धान अधिकृतसहितको प्रहरी टोली खटिएको छ । टोलीले प्रारम्भिक अनुसन्धान गरिरहेको पाण्डेले बताए ।
ट्रेन्डिङ पोस्ट
टिप्पणीहरू