भ्यानमा राखेर गाँजा ओसार्न थालियो

मकवानपुर प्रहरीले गाँजा ओसार पसारमा संलग्न पाँच जनालाई पक्राउ गरी सार्वजनिक गरेको छ । जिल्ला प्रहरी कार्यालय, मकवानपुरका अनुसार फागुन १५ गते राति ९ बजे मकवानपुरको पूरानो सदरमुकाम भीमफेदीबाट हेटौंडातर्फ जाने क्रममा रहेको बा. ०३ ००१ च ११४४ नम्बरको टाटा भ्यानलाई चेकजाँच गर्ने क्रममा ९ किलो ८ सय ग्राम गाँजा फेला परेको हो ।

गाँजाको साथमा भीमफेदी गाउँपालिका ५ का ३२ वर्षीय सबिन रिजाल, सोही स्थानका २५ वर्षका सोमसिंह घलान, ६० वर्षीया जुठीमाया घलान, ६७ वर्षीय मानबहादुर घलान र ५० वर्षीय सञ्चारसिंह घलानलाई पक्राउ गरिएको जिल्ला प्रहरी कार्यालय मकवानपुरले जनाएको छ ।

पक्राउ परेकालाई जिल्ला अदालत हेटौंडाबाट १५ दिन अनुसन्धान गर्ने म्याद माग गरी अनुसन्धान जारी राखिएको मकवानपुर प्रहरी प्रवक्ता एवम् प्रहरी नायव उपरिक्षक जयइश्वर रिमालले जानकारी दिएका छन् ।