भारतको निम्तामा नेपालका अनेक विज्ञ

भारतीय नेशनल डिफेन्स काउन्सिलले आयोजना गर्ने एक कार्यक्रममा नेपाल विभिन्न क्षेत्रका विज्ञलाई निम्तो दिइएको छ । राजधानी नयाँदिल्लीमा हुने दुईदिने सो कार्यक्रममा नेपाली विज्ञहरूले आ–आफ्नो क्षेत्रबारे कार्यपत्र प्रस्तुत गर्ने कार्यक्रम छ ।

कार्यक्रममा इकोनोमिक, ऊर्जा, वैकल्पिक ऊर्जा, पूर्वाधार, यातायात, जलवायु परिवर्तनलगायत क्षेत्रमा काम गर्ने विज्ञ सहभागी हुने छन् । कार्यक्रम मार्च २६ तारिखदेखि शुरु हुने भएको छ । कार्यक्रमका लागि नेपाली विज्ञका छनोट प्रक्रिया अघि बढेको स्रोतले दाबी गरेको छ ।

नेपालको विभिन्न क्षेत्रका विज्ञ डाकेर यहाँको अवस्थाबारे अनुभव आदानप्रदान गर्न सकिने यो कार्यक्रममा सरकारी र निवृत्त सबैखाले विज्ञलाई निमन्त्रणा गरिने सम्भावना छ ।