कर्णालीमा मिनीबस खस्यो, सहचालक बेपत्ता

कालीकोटमा भएको सडक दुर्घटनामा सहचालक बेपत्ता भएको छन् । स्थानीय पचाल झरना गाउँपालिका–८ को भैसिसेनबाट कर्णाली नदीमा खसेको मिनीबसमा तीन जना सवार थिए ।

दुर्घटनामा चालक र एक युवती नदीमा पौडेर बाँचेका छन् भने सहचालक बेपत्ता भएका हुन् । कर्णाली प्रदेश ना. ००२ ख ०१६२ नम्बरको मिनीबस आज दिउँसो कर्णालीमा खसेको हो ।

जिल्ला प्रहरी कार्यालय कालीकोटका अनुसार सवारी चालक दैलेख घर भएका कृष्ण शाही हुन् । बेपत्ता सहचालक रास्कोट नगरपालिका १ का जीवन शाही हुन् । मिनीबस सडकबाट सोझै कर्णाली नदीमा खसेको हो ।