सशस्त्रका डाक्टरको कारले मोटरसाइकललाई हिर्कायो
कीर्तिपुरको ल्याबरोटरी स्कुल नजिकैको नयाँ बाटोमा आज दिउँसो भएको दुर्घटनामा मोटरसाइकल चालक सख्त घाइते भएका छन् । कीर्तिपुरबाट बल्खुतिर जाँदै गरेको बा.४९६१ नम्बरको कार र विपरित दिशाबाट आएको प्रदेश ३–०२०१२ प ६५५४ नम्बरको मोटरसाइकल ठोक्किँदा मोटरसाइकल चालक घाइते भएका हुन् ।
कार चालक सौजन्य कर्माचार्य हुन् । ४० वर्षका उनी सशस्त्र प्रहरी अस्पतालमा कार्यारत डाक्टर हुन् । घाइते मोटरसाइकल चालक कीर्तिपुर ३ बस्ने पिउष महर्जन हुन् । उनको बल्खुस्थित बयोधा अस्पतालमा उपचार भइरहेको छ ।
दुर्घटनामा परेको मोटरसाइकल र कारलाई कीर्तिपुर ट्राफिक कार्यालयमा राखिएको छ ।
ट्रेन्डिङ पोस्ट
टिप्पणीहरू