पोखरामा मोटरसाइकल पल्टिंदा किशोरको मृत्यु

पोखरामा मोटरसाइकल दुर्घटना हुँदा एक किशोरको ज्यान गएको छ । पोखरा महानगरपालिका–६ खहरेमा आज बिहान मोटरसाईकल पल्टिएर दुर्घटना हुँदा चालक किशोर कठायतको मृत्यु भएको हो ।

डोल्पा त्रिपुरासुन्दरी नगरपालिका–१ का २० वर्षीय किशोरको उपचारको क्रममा पोखरास्थित गण्डकी मेडिकल कलेजमा मृत्यु भएको प्रहरीले जनाएको छ ।

कठायतले चलाएको बागमती प्रदेश ०२-०२९ प ०९३७ नम्बरको मोटरसाईकल आज बिहान पौने ४ बजे अनियन्त्रित भएर पल्टिएको वडा प्रहरी कार्यालय बैदाम कास्कीले जनाएको छ ।