अर्घाखाँचीमा बस दुर्घटना

अर्घाखाँचीको सन्धिखर्कमा भर्खरै बस दुर्घटना भएको छ । सन्धीखर्क नगरपालिका–२, भलाडाँडामा भएको दुर्घटनामा एक दर्जन यात्रु घाइते भएका छन् ।

जिल्ला प्रहरी कार्यालयका अनुसार प्युठानको स्वर्गद्वारी दर्शन गरेर फर्केको बस दुर्घटनामा परेको हो । त्यहाँबाट ग.२ ख ६८० नम्बरको बसका यात्रुहरु स्थानीय सुपा देउराली हुँदै पोखरा जाने क्रममा दुर्घटना भएको हो ।

घाइतेमध्ये दुई जनाको गोडा भाँचिएको छ । उनीहरुलाई पोखरामा उपचारको निम्ति रिफर गरिएको छ । बाँकी घाइतेको जिल्ला सहकारी अस्पतालमा उपचार गरिएको हो ।