रामप्रसादराईमा ट्रयाक्टर दुर्घटना जेबीको मृत्यु

भोजपुरमा ट्रयाक्टर दुर्घटना हुँदा एक जनाको मृत्यु भएको छ । रामप्रसादराई गाउँपालिका–५, कावाखोलामा गएराति ट्रयाक्टर दुर्घटना हुँदा एक जनाले ज्यान गुमाएका हुन् ।

ट्याक्टरमा सवार सोही गाउँपालिका–७ बासिखोराका २० वर्षीय जेबी राईको निधन भएको हो । दुर्घटनामा गम्भीर घाइते भएका उनको उपचारका क्रममा जिल्ला अस्पताल भोजपुरमा मृत्यु भएको प्रहरीले बताएको छ ।

ईंटा लिएर भोजपुरबाट बासिखोरातर्फ आउँदै गरेको प्रदेश १–०२–००३ त २२४९ नम्बरको ट्याक्टर गएराति १० बजे सडकबाट अन्दाजी दुई सय मिटर तल खसेको थियो ।

ट्याक्टर चालक फरार भएकाले उनको खोजी भइरहेको प्रहरी चौकी मानेभञ्ज्याङले जनाएको छ ।