ट्याङ्कर र ट्रक जुध्यो, ५ जना घाइते
चितवनमा ट्याङ्कर र ट्रक एक आपसमा ठोक्किएका छन् । आज बिहान खैरहनी नगरपालिका ९ बैरीचोकस्थित साईबाबा पेट्रोल पम्प अगाडि ट्याङ्कर र ट्रक जुध्दा पाँच जना घाइते भएका हुन् ।
दुर्घटनामा घाइते भएकालाई उपचारको निम्ति पुरानो मेडिकल कलेज भरतपुर पठाइएको छ । प्रहरीका अनुसार वीरगञ्जबाट टाँडीतर्फ आउँदै गरेको लु.१ ख ६४१८ नम्बरको डिजेल बोकेको ट्याङ्कर र विपरित दिशाबाट जाँदै गरेको ना. १ ख ३४३२ नम्बरको ट्रक एक आपसमा ठोक्किएका थिए ।
दुर्घटनामा ट्रक चालक ५० वर्षीय गजेन्द्र कुमाल गम्भिर घाइते भएका छन् । अन्य चार जनाको अवस्था सामान्य रहेको इलाका प्रहरी कार्यालय खैरहनीले जनाएको छ । दुर्घटनामा २२ वर्षीय नवराज परियार, २८ वर्षीय जीतबहादुर बुढा, १९ वर्षीय प्रकाश कामी तथा ट्याङ्कर चालक मनोहर दगुरिया घाइते भएका छन् ।
ट्रेन्डिङ पोस्ट
टिप्पणीहरू