स्याङजामा जीप खस्दा बालकसहित पाँचको मृत्यु
स्याङजामा जीप दुर्घटना हुँदा पाँच जनाको ज्यान गएको छ । आज बिहान १० बजेतिर वालिङमा भएको सो दुर्घटनामा ६ जना घाइते भएका छन् ।
जिल्ला प्रहरी कार्यालय स्याङ्जाका ईन्सपेक्टर पदमराज थापाका अनुसार एक बालकसहित मृत्यु हुनेमा तीन महिला र दुई पुरुष छन् । जसमध्ये चार जनाको घटनास्थलमै र एक जनाको अस्पताल लैजानेक्रममा बाटोमा मृत्यु भएको हो । दुर्घटनामा घाइते भएका चालकसहित ६ जनालाई उपचारका लागि पोखराको गण्डकी मेडिकल कलेजमा पठाइएको छ ।
डाँडाखर्कबाट वालिङ बजारतर्फ आउँदै गरेको ग १ ज ७३९९ नम्बरको जीप आज बिहान वालिङ नगरपालिका– १२ माथिल्लो डाँडाखर्क नजिक दुर्घटना भएको हो । र्दुघटनाको कारण भने खुलिसेको छैन् । प्रहरीले जिप अनियन्त्रित भएर पल्टेको अनुमान गरेको छ ।
र्दुघटनाग्रस्त जिप सडकबाट २ सय मिटर तल खसेको प्रहरीको भनाई छ ।
ट्रेन्डिङ पोस्ट
टिप्पणीहरू