बिस्केट जात्राको रथ तान्दा वृद्धको निधन

यो वर्ष भक्तपुरको बिस्केट जात्राको रथ तान्ने क्रममा एक जनाको मृत्यु भएको छ । हिजो साँझ रथ तान्ने क्रममा सूर्य विनायक नगरपालिकाको कटुञ्जे निवासी एक जना वृद्धको निधन भएको हो ।

हिजो साँझ पौन ६ बजेको समयमा रथ तान्ने क्रममा कटुञ्जेका ७१ वर्षे दुर्गामान कस्पाल पनि सहभागी भएका थिए । सो क्रममा घाइते भएका उनलाई तत्काल भक्तपुर अस्पताल लगिएको थियो । तर, उपचारको क्रममा कस्पालको साढे ६ बजेको हाराहारीमा निधन भएको अस्पताललाई उद्धृत गर्दै प्रहरीले जनाएको छ ।