जन्त जाँदै गरेको मोटरसाइकल दुर्घटना, ३ जनाको मृत्यु

सप्तरीमा आज भएको मोटरसाइकल दुर्घटनामा तीन जनाको मृत्यु भएको छ । जन्त जाँदै गरेको दुईवटा मोटरसाइकल दुर्घटना हुँदा तीन जनाको घटनास्थलमा मृत्यु भएको हो ।

राजगढ गाउँपालिका–५ मलेकपुरमा भएको मोटरसाइकल दुर्घटनामा हनुमाननगर कंकालिनी नगरपालिका–३ का ३० वर्षीय पप्पु यादव, २६ वर्षीय सन्दीप यादव र बुच्चु भनिने २५ वर्षका रञ्जित यादवको मृत्यु भएको हो ।

भारदहबाट पथरगाडातर्फ जन्त जाँदै गरेको प्रदेश नम्बर १–०२४१ प २२९६ नम्बरको मोटरसाइकल र प्रदेश नम्बर १ –०२०४१ प ९५२४ नम्बरको दुईवटा मोटरसाइकल एकातर्फ जाँदै गर्दा ठोक्किएको हो ।