बिजुलीको पोलमा मोटरसाइकल ठोकिंदा दुई जनाको मृत्यु

काठमाडौँको काँडाघारीमा मोटरसाइकल दुर्घटना हुँदा दुई जनाको ज्यान गएको छ । आज बिहान साढे ५ बजेतिर सोल्टीमोडस्थित बिजुलीको पोलमा मोटरसाइकल ठक्कर खाँदा भएको दुर्घटनामा बैकमा सवार दुबैको ज्यान गएको हो ।

मृत्यु हुनेमा ओखलढुङ्गाको सुनकोशी गाउँपालिका–६ का अन्दाजी ३२ वर्षीय कमल आले मगर र २२ वर्षीय गोपाल आले मगर रहेका छन् । दुवैको उपचारका क्रममा राष्ट्रिय ट्रमा सेन्टरमा बिहान सवा ६ बजे मृत्यु भएको प्रहरीले जनाएको छ ।

आलेद्धय सवार बा ५० प ९९३६ नम्बरको मोटरसाइकल अनियन्त्रित भई काँडाघारी सोल्टीमोडस्थित बिजुलीको पोलमा ठक्कर खाएको प्रहरी प्रभाग काँडाघारीले जानकारी दिएको छ ।