भक्तपुरमा पनि भीषण आगलागी

गए राति ललितपुरको धोबिघाटमा आगलागी भएको समयमा भक्तपुरको मध्यपुरथिमी नगरपालिकाको कमेरोटारमा पनि भीषण आगलागी भएको छ । त्यहाँ स्यानिटरी गोदाममा आगलागी भएको हो ।

राजन प्रजापतिको ग्रिनवेयर स्यानिटरी गोदाममा लागेको आगोबाट करोडौँको सामान जलेको बताइएको छ । त्यहाँ पनि मानवीय क्षति भएको छैन ।

मध्यरातमा जुद्ध बारुणयन्त्र भक्तपुर, नेपाली सेना, सशस्त्र प्रहरी र नेपाल प्रहरीको टोलीले आगो निभाउने प्रयास गरे पनि ललितपुरमा झैँ त्यहाँ पनि बिहान मात्रै आगो नियन्त्रणमा आएको हो ।

करोडौंको क्षति भएको भनिए पनि यथार्थ विवरण संकलन भइरहेको प्रहरीले जनाएको छ ।