स्कुटरमा हिँडेका ज्ञानेन्द्र मल्ललाई ट्रिपरले हानेर मार्यो
भक्तपुरमा ट्रिपरको टक्करबाट स्कुटर चालकको ज्यान गएको छ । गए राति मध्यपुरथिमी नगरपालिका-४ चार दोबाटो चोकमा ट्रिपर र स्कुटर एकआपसमा ठोक्किएर उनको मृत्यु भएको हो ।
नयाँ थिमीबाट कोरियन अस्पतालतर्फ जाँदै गरेको बा ४ ख ८५८१ नम्बरको ट्रिपरले गठ्ठाघरबाट नयाँथिमीतिर आउँदै गरेको बा. प्र.०२-०२३ प ७७६९ नम्बरको स्कुटरलाई ठक्कर दिएको प्रहरीले बताएको छ ।
दुर्घटनामा परी स्कुटर चालक काभ्रेपलाञ्चोक बेथानचोक गाउँपालिका-६ घर भएका ३२ वर्षीय ज्ञानेन्द्र मल्ल ठकुरीको उपचारको क्रममा मृत्यु भएको प्रहरीले बताएको छ ।
स्कुटरको पछाडि बस्ने म्याग्दी बेनी नगरपालिका-४ घर भएका ३३ वर्षीय बिमल श्रेष्ठको मध्यपुर अस्पतालमा उपचार भइरहेको जिल्ला प्रहरी परिसर भक्तपुरका प्रवक्ता राजु पाण्डेले जानकारी दिए ।
उनका अनुसार ट्रिपर चालक रामेछाप दोरम्बा गाउँपालिका-४ घर भएका ३६ वर्षीय तुलबहादुर सापकोटालाई पक्राउ गरिएको छ ।
ट्रेन्डिङ पोस्ट
टिप्पणीहरू