काठमाडौं नजिकै भीषण आगलागी

काठमाडौंको शिवपुरी नागार्जुन राष्ट्रिय निकुञ्जमा भीषण आगलागी भएको छ । आज दिँउसो १ बजेदेखि आगलागी सुरु भएको हो ।

महानगरीय प्रहरी परिसर, टेकुका प्रवक्ता दिनेशराज मैनालीका अनुसार हालसम्म पनि आगलागी नियन्त्रणमा आउन सकेको छैन । आगो निभाउन राष्ट्रिय निकुञ्जको टोली, नेपाली सेना, नेपाल प्रहरी परिचालन गरिएको छ ।

६ घण्टादेखि दमकलले लगातार पानी हाले पनि आगो नियन्त्रणमा आउन नसकेपछि हेलिकप्टरबाट पानी खसालेर आगो निभाउने प्रयास भइरहेको बताइएको छ । आगलागीको कारण थाहा हुन सकेको छैन ।