उज्यालो नहुँदै १६ लाख बोकेर बालाजुमा किन हिंडे दिपेन्द्र र सागर ?

स्रोत नखुलेको १६ लाख रुपैयाँसहित दुई जनालाई प्रहरीले पक्राउ गरेको छ । आज बिहानीपख पौने ३ बजेको समयमा उनीहरुलाई बालाजुबाट नियन्त्रणमा लिइएको हो ।

बालाजु बाइपास नजिकैको माछापोखरी,कुमारीस्थान नजिकैबाट शंकास्पद रूपमा हिँडिरहेको अवस्थामा उनीहरूलाई प्रहरीले समातेको हो ।

प्रहरी बृत्त बालाजुबाट खटिएको टोलीले चेकजाँच गर्ने क्रममा चितवन भरतपुर महानगरपालिका ११ घर भई हाल तनहुँको बन्दिपुर बस्ने ३१ वर्षीय दीपेन्द्र सुनार र भारत महाराष्ट्रका ३३ वर्षीय सागर जादवको साथबाट उक्त नगद फेला परेको हो ।

उनीहरूलाई उक्त परिमाणको नगदसहित नियन्त्रणमा लिइएको र घटनाको सम्बन्धमा प्रहरी वृत्त बालाजुबाट थप अनुसन्धान कार्य भइरहेको काठमाडौं प्रहरी परिसरका प्रवक्ता दिनेशराज मैनालीले जानकारी दिएका छन् ।