मध्यरातमा स्कुटर दुर्घटना, २६ वर्षे चालकको मृत्यु

काठमाडौंको बबरमहलमा गए राति भएको स्कुटर दुर्घटनामा चालकको मृत्यु भएको छ । बा.६१प ८९८८ नम्बरको स्कुटर राति पौने १२ बजे दुर्घटना हुँदा डडेल्धुराको अमरगढी नगरपालिका ५ घर भई हाल काठमाडौंको कोटेश्वर बस्ने २६ वर्षीय केबिन श्रेष्ठको मृत्यु भएको हो ।

उनको उपचारको क्रममा वीर अस्पतालमा आज बिहान मृत्यु भएको महानगरीय ट्राफिक प्रहरी महाशाखाले जनाएको छ ।

नयाँ बानेश्वरबाट माइतीघरतर्फ गइरहेको स्कुटर सडक किनारमा पल्टिएको बताइएको छ ।