मध्यरातमा गाडीको ठक्करबाट वरिष्ठ प्रहरी हवल्दार ठहरै
धनुषामा गाडीको ठक्करबाट वरिष्ठ प्रहरी हवल्दारको मृत्यु भएको छ । ठक्करबाट इलाका प्रहरी कार्यालय, ढल्केवरमा कार्यरत प्रहरी वरिष्ठ हवल्दार भोजराज पराजुलीको मृत्यु भएको हो ।
पूर्वपश्चिम लोक राजमार्गअन्तर्गत धनुषाको ढल्केवरमा पैदल हिँडिरहेका पराजुलीलाई नम्बर नखुलेको सवारी साधनले ठक्कर दिएको हो । आफ्नो ड्युटी सकेर मध्यरात १२ बजे सवारी साधनले उनलाई ठक्कर दिएको भागेको जिल्ला प्रहरी कार्यालय धनुषाले जनाएको छ ।
ओखलढुङ्गाको चिशंखुगढी गाउँपालिका ५ स्थायी घर भएका पराजुली तीन महिनाअघि मात्र उक्त इलाका प्रहरी कार्यालयमा सरुवा भएका थिए ।
मृतकको शव पोस्टमार्टमका लागि प्रादेशिक अस्पताल जनकपुरमा राखिएको छ ।
ट्रेन्डिङ पोस्ट
टिप्पणीहरू