पाल्पामा आगलागी, वृद्धको जलेर मृत्यु

पाल्पामा गएराति भएको आगलागीमा एक जना वृद्धको मृत्यु भएको छ । मृत्यु हुनेमा रैनादेवी छहरा गाउँपालिका ४ का ७९ वर्षीय मानबहादुर सोमै हुन् ।

मध्यरातमा सोमैको घरमा भएको आगलागीबाट घर जलेर नष्ट भएको छ भने सोमैको घरभित्रै जलेर ज्यान गएको छ ।

घरमा एक्लै बस्दै आएका वृद्ध सोमैको जलेको शव फेला परेको हो । आगलागीको कारण थाहा हुन नसकेको र आवश्यक अनुसन्धान थालिएको प्रहरीले जानकारी दिएको छ ।