दुर्घटनामा एकको मृत्यु, अर्का एकजना घाइते

उदयपुरको त्रियुगा नगरपालिका वडा नम्बर ३ मा भएको मोटरसाइकल दुर्घटनामा एक जनाको मृत्यु भएको छ । दुर्घटनामा अर्का एकजना घाइते भएका छन् ।

मृत्यु हुने त्रियुगा नगरपालिका वडा नम्बर १ का २१ वर्षीय भुपेन्द्र चौधरी हुन् । गएराति मोतीगडाबाट जोगीदहतर्फ जाँदै गरेको प्र.१ ०५ ००१ प ४४६८ नम्बरको मोटरसाइकल भुल्के भन्ने ठाउँमा दुर्घटनामा परेको थियो ।

दुर्घटनामा घाइते भएका मोटरसाइकल चालक अभिशेक चौधरी र भुपेन्द्र चौधरीलाई उपचारको निम्ति उदयपुर अस्पताल ल्याइएकोमा भुपेन्द्रको उपचारकै क्रममा मृत्यु भएको हो । उनी मोटरसाइकलको पछाडि बसेका थिए ।

घाइते चालक अभिनाश भने सामान्य उपचारपछि प्रहरीको नियन्त्रणमा छन् । दुर्घटना राती पौने ९ बजेतिर भएको थियो । प्रहरीले घटनाबारे थप अनुसन्धान भइरहेको जनाएको छ ।