ट्रिपरको ठक्करबाट मोटरसाइकल चालक ठहरै
आज बिहान कलंकी चोकमा ट्रिपरको ठक्करबाट मोटरसाइकल चालकको ज्यान गएको छ । बिहान ३ बजेको समयमा थानकोटबाट कलंकीचोकतर्फ आउँदै गरेको मोटरसाइकललाई पछाडिबाट आइरहेको ट्रिपरले ठक्कर दिएको हो ।
बा. ५ ख ७३४५ नम्बरको ट्रिपरले बा. ८०प ६३७३ नम्बरको मोटरसाइकललाई ठक्कर दिँदा मोटरसाइकल चालक दिवाकर अधिकारीको घटनास्थलमा मृत्यु भएको हो ।
धादिङको धुनीबेसी नगरपालिका २ बस्ने ४५ वर्षका अधिकारीको शवलाई राति साढे ३ बजे शिक्षण अस्पताल महाराजगञ्ज लगिएको थियो ।
ट्रिपर चालक धादिङको थाक्रे गाउँपालिका ३ का ३५ वर्षे लालबहादुर तामाङलाई ट्रिपरसहित प्रहरी वृत कालिमाटीको नियन्त्रणमा राखिएको प्रहरीले जनाएको छ ।
ट्रेन्डिङ पोस्ट
टिप्पणीहरू