नेपाल–चीन बीचको संयुक्त साझेदारी कम्पनीका रूपमा स्थापित हिमालयन एयरलायन्सले चीनको छिन्ताओ शहर काठमाडौँसँग सिधा उडान प्रारम्भ गरेको छ । स्थापनाको ९ बर्ष पछि हिमालयनले आइतबारदेखि काठमाडौँ छिन्ताओ काठमाडौँ रुटमा सिधा उडान शुरुवात गरेको हो ।
आज एक कार्यक्रमका बीच संष्कृति पर्यटन तथा नागरिक उड्डन मन्त्री सुदन किराती, नागरिक उड्डयन प्राधिकरणका महानिर्देशक प्रदीप अधिकारीले संयुक्त रुपमा पहिलो उडानको शुभारम्भ गरेका हुन ।
बिहान ९ : १५ मा एक सय यात्रू बोकेर प्रस्थान गरेको उक्त विमान छिन्ताओकोे जियाओडोङ्ग अन्तर्राष्ट्रिय विमानस्थलमा स्थानीय समय अनुसार साँझकोे ५ : २२ बजे अवतरण गर्ने एयरलायन्सले जनाएको छ ।
उद्घाटन शर्तमा बोल्दै पर्यटनमन्त्री छन्ताओ चीनको लोकप्रिय सांस्कृतिक र आर्थिक शहर भएको र यो शहरमा हिमालयनको उडान शुरुवात हुनुले नेपाल र चीनबीचको सम्बन्धलाई मजबुत बनाउने उल्लेख गरे ।
मन्त्री किरातीले यो उल्लेखनीय चिनियाँ पर्यटक नेपाल भित्र्याउने विश्वास समेत व्यक्त गरे । यस्तै हिमालयन एयरलायन्सका अध्यक्ष एनयोङले काठमाडौं–छिन्ताओ–काठमाडौं उडान सेवाको उद्घाटन हिमालय एअरलाइन्स्का लागि महत्वपूर्ण उपलब्धी भएको उल्लेख गर्दै यो उडानल दुई देशबीचको कनेक्टिभिटी, सांस्कृतिक आदानप्रदान, पर्यटन र व्यापार अभिवृद्धिमा भूमिका निर्वाह गर्ने बताए ।
कार्यक्रममा बोल्दै राजदूत सोङले चीनले नेपालको हवाई पूर्वाधार विकासमा सक्रिय भूमिका निर्वाह गर्दै आएको उल्लेख गर्दै काठमाडौं–छिन्ताओ–काठमाडौँ उडान सेवाको आरम्भ नेपाल–चीनबीचको बढ्दो सहयोगको प्रमाण भएको धारणा राखे ।
हिमालय एअरलाइन्स प्रवक्ता विजय श्रेष्ठले हिमालयको मुख्य लक्ष्य चीनका विभिन्न १० पर्यटन क्षेत्रमा उडान सञ्चालन गर्ने र १० लाख पर्यटकलाई नेपालमा भित्र्याउनु रहेको बताए ।
