दुर्घटना
चुलोको आगोले घर र गोठ भष्म, लाखौँ खरानी
दाङको बबईमा आगलागी हुँदा लाखौँको धनमाल जलेर नष्ट भएको छ । बबई गाउँपालिका वडा-५ जौबारीका ६४ वर्षीय जंगबहादुर थापाको घरमा हिजो दिउँसो आगलागी हुँदा तीन लाख ३४ हजार मूल्य बराबरको धनमाल जलेको हो । प्रहरीका अनुसार थापाको घरको चुलोबाट सल्किएको आगो घर र गोठसम्म पुग्दा उक्त धनमाल जलेर नष्ट भएको हो । आगलागी स्थानीय बासिन्दाको सहयोगमा नियन्त्रणमा लिइएको प्रहरीले जनाएको छ ।
Page 1 of 46
