एकैछिनको वर्षापछि राजधानीको सडकमा बाढी

आज साँझ छोटो समय परेको वर्षाले राजधानीका केही स्थान डुबानमा परेका छन् । केही स्थानका सडकमा बाढी नै आएको छ ।

साँझपख परेको वर्षाका कारण चाबहिल–साँखु मूल सडकको दक्षिणढोका सडक खण्डमा बाढी नै आएको थियो । सडक केहीबेर खोलो बनेपछि सडक यातायात अवरुद्ध भएको हो ।

उता, बालाजु क्षेत्र पनि साँझको वर्षापछि डुबानमा परेको छ । चक्रपथ वरपरको क्षेत्रमा पानी जमेपछि जनजीवन प्रभावित भएको थियो ।