एक दशकपछि राष्ट्र बैंकको आँगनबाट नीति आउँदै
![एक दशकपछि राष्ट्र बैंकको आँगनबाट नीति आउँदै](https://janaaastha.prixacdn.net/media/albums/Nepa_Rastra_Bank_Ac3fjQzefT.jpg)
नेपाल राष्ट्र बैंकले आगामी आर्थिक वर्ष २०८१–८२ को मौद्रिक नीति आज सार्वजनिक गर्न लागेको छ । बालुवाटारस्थित बैंक केन्द्रीय कार्यालयको सभाहलबाट मध्यान्ह सवा १२ बजे गभर्नर महाप्रसाद अधिकारीले नीति सार्वजनिक गर्ने कार्यक्रम छ ।
मौद्रिक नीतिलाई अन्तिम रुप दिन बिहान ९ बजेदेखि बैंक सञ्चालक समितिको बैठक बसेको छ । अघिल्लो साता सार्वजनिकको तयारी गरिए पनि प्रधानमन्त्रीका विकास सल्लाहकारमा डा. युवराज खतिवडाको नियुक्तिसँगै मौद्रिक नीति एक साता पछाडि धकेलिएको हो ।
व्यवस्थापन समितिले पारित गरेको मौद्रिक नीतिलाई सञ्चालक समितिको बैठकअघि सल्लाहकारले रोकेको आरोप केन्द्रीय बैंकका अधिकारीहरुले लगाएका छन् । यस पटकको मौद्रिक नीतिमा कर्जा विस्तारलाई प्राथमिकतामा राखिएको बताइन्छ ।
२०७२ सालको महाभूकम्पछि बैंकले अधिकांश वर्षको मौद्रिक नीति होटलबाट सार्वजनिक गर्दै आएको थियो । कोरोना महामारीमा बैंकले मौद्रिक नीति औपचारिक कार्यक्रमको आयोजना नगरी सार्वजनिक गरेको थियो ।
टिप्पणीहरू