दुबईबाट आएका १० जना यात्रु भैरहवामा ओर्लिए, डेढ सय काठमाडौंमा

फ्लाई दुबईको विमानले दुबई–भैरहवा–दुबई उडान थालेको छ । दिउँसो दुबईबाट आएको विमान गौतम बुद्ध अन्तर्राष्ट्रिय विमानस्थलमा अवतरण गरेपछि १० जना यात्रु त्यहाँ ओर्लिएका हुन् । 

बाँकी १४९ यात्रु बोकेर विमान एकछिनपछि काठमाडौं आएको हो । फ्लाई दुबईले आजदेखि दैनिक दुबई–भैरहवा–काठमाडौ उडान थालेको छ ।

आज भैरहवाबाट जजिरा एअरवेज, नेपाल वायुसेवा र फ्लाई दुबईका तीन उडान तालिका छ । जजिराको उडान बिहान भइसकेको छ भने नेपाल वायुसेवाको भरे राति साढे १० बजे काठमाडौंबाट भैरहवा हुँदै जाने उडान छ ।