बडो मुश्किलले अमेरिका पुगेका ७ नेपाली निश्कासित

तल्लो बाटो हुँदै अवैधरुपमा अमेरिका छिरेका ७ नेपाली डिपोर्ट भएर फर्किएका छन् । पैदलमार्ग हुँदै अमेरिका पुगेका उनीहरुलाई आज चार्टर्ड फ्लाइटमार्फत नेपाल ल्याइएको छ । 

प्रहरीका अनुसार अमेरिकामा डिपोर्ट भई नेपाल फर्किनेहरुमा अमित डिसी, चन्द्र अग्री,जनार्दन रिजाल,सञ्जय भण्डारी,कमल बिक,अमृत पौडेल, रुपसिंह बिसी छन् । ६ महिनाअगाडि अमेरिका पुगेका उनीहरु त्यहाँको शरणार्थी क्याम्पमा बस्दै आएका थिए । 

तर, अमेरिकाले शरणार्थी नियम परिवर्तन गरेपछि उनीहरुलाई नेपाल फ़र्काइएको हो । होमल्याण्ड डिपार्टमेन्टले गैरकानुनीरुपमा शरणार्थी क्याम्पमा बस्दै आएका अन्य हजारौँ नेपालीलाई पनि फर्काउने तयारी गरेको बताइएको छ । 

त्रिभुवन विमानस्थलमा उत्रिएलगत्तै उनीहरुलाई अध्यागमनले मानव बेचबिखन ब्यूरोको जिम्मा लगाएको छ ।