युद्ध मत्थर भएसँगै केयर गिभरमा सम्झौता हुँदै
इजरायलका दीर्घकालीन स्याहार केन्द्रमा सहायक कामदार (केयर गिभर) का रुपमा जान छानिएका पाँच दर्जन नेपालीलाई करार सम्झौताका लागि सम्पर्कमा आउन आह्वान गरिएको छ ।
इरान–इजरायल युद्ध केही मत्थर भएसँगै इजरायलले ६६ जना नेपालीको करार सम्झौता पत्र पठाएपछि वैदेशिक रोजगार विभागले आवश्यक प्रक्रियाका लागि बोलाएको हो ।
उम्मेदवारहरुलाई सम्झौता गराई पीआईबीए, भिसा प्रक्रियाका लागि इजरायली दूतावासको कन्सुलर डिभिजनमा पठाउनुपर्ने भएकाले सम्पर्कमा बोलाइएको विभागले जनाएको छ ।
विभागले क्रमसंख्या १ देखि ३३ सम्मका उम्मेदवारलाई भोलि र ३४ देखि ६६ सम्मका उम्मेदवारलाई आइतबार ताहाचलस्थित कार्यालयमा उपस्थित हुन भनेको छ ।
इजरायल–इरानबीच युद्ध चर्किएपछि केयर गिभरसम्बन्धी प्रक्रिया रोकिएको थियो । अहिले युद्धको त्रास कम भएसँगै करार सम्झौता अघि बढेको हो ।
टिप्पणीहरू