अमेरिकी राजदूत नेपाल फिर्ता,आज बिहानदेखि साँझसम्म भीआईपीहरुको बाक्लो आवतजावत

चितवन जानुभएका माओवादी केन्द्रका अध्यक्ष पुष्पकमल दाहाल प्रचण्डसहित चार जनाको टोली आज बिहान ७ बजे बुध्द एअरको उडानबाट राजधानी फर्केको छ ।

आजै श्री एयरको काठमाडौं–नेपालगञ्ज उडानबाट पूर्वमन्त्री मोहमद इस्तियाक राइन बिहान ११ बजे नेपालगञ्ज जानुभएको थियो । त्यसैगरी बुध्द एयरको उडानबाट बिहान पौने १२ बजे कृषि तथा पशुपंक्षी विकासमन्त्री महेन्द्र राय यादव पौने १२ बजेतिर जनकपुर जानुभएको छ ।

नेपाली काँग्रेसका संघीय सांसद तथा नेपालका डलर अर्बपति विनोदकुमार चौधरी आज सिंगापुर एयरलाइन्सको एसक्यु ४४० उडानबाट दिउँसो सवा १२ बजे काठमाडौं आउनुभएको छ । त्यस्तै संस्कृति,पर्यटन तथा नागरिक उड्यनमन्त्री प्रेमबहादुर आले दिउँसो १२ बजे नेपाल एअरलाइन्सको उडानबाट भारतको राजधानी नयाँ दिल्ली जानुभएको छ ।

कतार एयरवेजको क्युआर ६४६ उडानबाट नेपालका लागि अमेरिकी राजदूत रेण्डी बेरी दिउँसो ३ बजे दोहा हुँदै काठमाडौं फर्कनुभएको छ ।

आजै बुध्द एयरको उडानबाट स्वीट्जरल्याण्डकी राजदूत एलिजाबेथ भोन क्यापेलर ओसवाल्ड दिउँसो सवा १२ बजे बिराटनगर जानुभएको छ । बुद्ध एअरको उडानबाट जर्मन राजदूत थोमस प्रिन्ज र कर्णाली प्रदेशका सामाजिक विकासमन्त्री एकबहादुर बुढाक्षेत्री पौने २ बजे सुर्खेतबाट राजधानी आउनुभएको छ ।

बुद्ध एयरको भरतपुर–काठमाडौं उडानबाट भूमि व्यवस्था,सहकारी तथा गरिबी निवारणमन्त्री शशी श्रेष्ठ दिउँसो ४ बजे काठमाडौं आउनुभएको छ ।

बुद्ध एयरको काठमाण्डौ–पोखरा उडानबाट गण्डकी प्रदेशका पूर्व मुख्यमन्त्री पृथ्वीसुब्बा गुरुङ दिउँसो ४ बजे पोखरा पुग्नुभएको छ ।

आजै अमेरिकी चार्टर विमान सीएटीए २०२ उडानबाट ढाका हुँदै काठमाडौं आएको छ । उक्त विमान संयुक्त तालिमको निम्ति नेपालमा रहेका सैनिक लिन आएको बताइएको छ ।

तालिम समापन गरेका अमेरिकी सेनालाई लिनका लागि पाँच जना क्रु मेम्बरसहित रित्तो विमान पौने ५ बजे त्रिभुवन अन्तर्राष्ट्रिय विमानस्थलमा अवतरण गरेको हो ।

उता प्रधानसेनापति प्रभुराम शर्मालगायत ११ सदस्यीय टोली बोकेको सेनाको हेलिकप्टर ९ एन आरएएम धनगढीबाट काठमाडौं आएको छ । उक्त हेलिकप्टर साँझ पौने ६ बजे काठमाडौं आइपुगेको हो ।