श्रीमती मार्ने युवक समातिए

काठमाडौैँमा एक युवकले धारिलो हतियारले हानेर श्रीमतीको हत्या गरेका छन् । बूढानीलकण्ठ नगरपालिका-१३ चुनिखेल डेरा गरी बस्ने उदयपुर कटारीका २१ वर्षीय भक्त बहादुर थापाले श्रीमती मारेका हुन् ।

हत्या आरोपमा प्रहरीले उनलाई हिजो राति समातेको छ । घरायसी विवाद हुँदा थापाले श्रीमती २४ वर्षीया लक्ष्मी तामाङ थापालाई दाउले हानेको प्रहरीले बताएको छ । गम्भीर घाइते भएकी लक्ष्मीको चुनिखेलस्थित करुणा अस्पतालमा मृत्यु भएको प्रहरीको भनाइ छ ।

आरोपी थापालाई महानगरीय प्रहरी वृत्त महाराजगंज र महानगरीय प्रहरी प्रभाग बुढानिलकण्ठबाट खटिएको प्रहरीले पक्राउ गरि थप अनुसन्धान गरिरहेको छ ।