सिट बाँड्ने जिम्मा पौडेलको टोलीलाई

चुनावी तालमेललाई लिएर जिल्ला तथा स्थानीय स्तरमा सहमति जुट्न नसकिरहेका बेला स्थानीय निर्वाचनमा सिट भागबण्डाको जिम्मेवारी रामचन्द्र पौडेल नेतृत्वको कार्यदलले पाएको छ ।

गठबन्धनको भर्खरै सम्पन्न बैठकले सिट बाँडफाँडको विषयमा निर्णय गर्ने जिम्मेवारी कार्यदललाई दिएको हो । सबै प्रदेशमा निर्वाचनको तयारी र गठबन्धनको अवस्थाबारे भोलि नै कार्यदलले रिपोर्ट बुझाउने र गठबन्धन बैठकले निर्णय गर्ने बताइएको छ।

आज बिहान प्रधानमन्त्री निवास बालुवाटारमा बसेको गठबन्धनका शीर्ष नेताहरूको बैठकले कार्यदलले रिपोर्ट दिएपछि मात्रै सिटको टुंगो लगाउने निर्णय गरेको हो । त्यस्तै,भोलि साेमवारसम्म महानगर र उपमहानगरमा कुन दलले पाउने भन्नेबारे टुंगो लाग्नेछ ।

कांग्रेस वरिष्ठ नेता पौडेल नेतृत्वमा निर्वाचन तयारी तथा अनुगमन समिति बनेको थियो । समितिले स्थानीय तह निर्वाचनमा महानगर र उपमहानगरपालिको भागबन्डाबारे निर्णय गर्ने अधिकार पाएको छ भने गठबन्धनका प्रदेश र जिल्लास्तरका संयन्त्रलाई निर्देशन र परिचालन पनि गर्नेछ ।