जनप्रनिधिहरुद्वारा भटाभट राजीनामा

आगामी स्थानीय तहको निर्वाचनमा उम्मेदवार हुन बहालरत जनप्रतिनिधिले राजीनामा दिनैपर्ने कानुनी व्यवस्थाका कारण पुनः पदमा दोहोरिन चाहने वा माथिल्लो जिम्मेवारीमा जान चाहनेहरुले पदबाट राजीनामा दिएका छन् । पर्सि र सोमबार दुई दिन मनोनयन गर्ने कार्यतालिका रहेकाले उनीहरुले आज राजीनामा दिएका हुन् ।

भर्खरै चितवनको भरतपुर महानगरपालिकाकी प्रमुख रेनु दाहालले पदबाट राजीनामा दिएकी छन् । स्थानीय तह निर्वाचनमा प्रमुख पदमा फेरि उम्मेदवारी दिन दाहालले आज राजीनामा दिएकी हुन् ।

यसअघि हिजो एमालेका प्रदेश सभासद तथा संसदमा प्रमुख विपक्षी दल नेकपा एमालेका प्रदेशसभा सदस्य विजय सुवेदीले राजीनामा दिएका थिए । सुवेदीले एमालेबाट भरतपुर महानगरपालिकाको मेयर पदमा उम्मेदवारी दिन राजीनामा दिएका हुन् ।