पार्टी अध्यक्ष लिङ्देनप्रति चर्को असन्तुष्टि जनाउँदै सदस्यहरुले दिए विद्रोहको चेतावनी

राष्ट्रिय प्रजातन्त्र पार्टी (राप्रपा) मा पार्टी अध्यक्ष राजेन्द्र लिङ्देनप्रति चर्को असन्तुष्टि जनाउने समूहको संख्या बढ्दै गएको छ । उनीहरुले अध्यक्षले पार्टीलाई गति दिनुको सट्टा उल्टै अनिर्णयको बन्दी बनाएको आरोप लगाएका छन् ।

अध्यक्ष लिङ्देनको कार्यशैलीप्रति असन्तुष्टि जनाउँदै विद्रोहको तयारी गरिएको असन्तुष्ट समूहले जनाएको छ । पछिल्लो दिनमा नेतृत्वको कार्यशैलीप्रति असन्तुष्ट हुनेमा उपाध्यक्ष विक्रम पाण्डे, महामन्त्री कुन्ती शाही मुख्य हुन् ।

त्यसैगरि नेताहरू दिलनाथ गिरी, दिलविकास राजभण्डारी, श्याम तिमल्सिना, रामकुमार सुब्बा, दमन बस्नेत, राजाराम श्रेष्ठ, केशव श्रेष्ठ, भरत पाठकलगायतका नेताहरू रहेको बताइएको छ । उनीहरुले नेतृत्वले तत्काल कार्यशैली नसच्याए पार्टीभित्रै विद्रोह गर्ने चेतावनीसमेत दिएका छन् ।