रक्सीले मातेका गाउँलेको कुटाइबाट युवकको ज्यान गयो
गोरखाको पालुङटारमा गाउँलेको कुटाइबाट एक युवकको ज्यान गएको छ ।
स्थानीय पालुङटार नगरपालिका ५, धरमपानी बस्ने ३५ वर्षीय बुद्धिबहादुर बिकको कुटपिटबाट ज्यान गएको छ । घटनामा संलग्न रहेको आरोपमा चार जना पक्राउ परेका छन् ।
आरोपी चार जनाले मादक पदार्थ सेवन गरी बुद्धिलाई निर्घात कुटेका थिए । सोही क्रममा गम्भीर घाइते भएका उनको आँपपिपल अस्पताल, पालुङटारमा निधन भएको हो ।
स्थानीय ३४ वर्षीय राम शरण विकलगायत चार जनालाई गएराति नियन्त्रणमा लिइएको प्रहरीले जनाएको छ । घटनामा संलग्न सबैमाथि थप अनुसन्धान भइरहेको छ ।
ट्रेन्डिङ पोस्ट
टिप्पणीहरू