प्रहरीमा जागिर खान फाराम भर्नेको फिटनेस रिजल्ट सार्वजनिक

नेपाल प्रहरीमा रिक्त रहेको कार्यालय सहयोगी पदका लागि उम्मेदवारी दिएकामध्ये विस्तृत स्वास्थ्य परीक्षणमा उत्तीर्ण भएकाको नतिजा सार्वजनिक गरिएको छ । 

प्रहरी प्रधान कार्यालयले गत माघ २७ गते सूचना प्रकाशित गर्दै प्रहरी कार्यालय सहयोगी (भान्छे, हजाम, सिलाई/बुनाई र कुचिकार) पदमा खुला प्रतियोगितामार्फत आवेदन माग गरेको थियो । सोही पदका लागि आवेदन दिएका उम्मेदरवारमध्ये विस्तृत स्वास्थ्य परीक्षणमा सहभागी भई उत्तीर्ण भएकाको नतिजा आज सार्वजनिक गरिएको हो । 

प्रहरीले स्वास्थ्य परीक्षणमा उत्तीर्ण भएका उम्मेदवारहरुको प्रयोगात्मक परीक्षा काठमाडौँ उपत्यका प्रहरी शिक्षालयमा हुने जनाएको छ । साथै, परीक्षा तालिका बैशाख ४ गते (आज) नेपाल प्रहरीको वेभसाइटमा प्रकाशन गरिने समेत जानकारी दिइएको छ ।