प्रधानमन्त्री इन्दौरबाट नयाँ दिल्ली विमानस्थलमा
चार दिने भारत भ्रमणमा रहनुभएका प्रधानमन्त्री पुष्पकमल दाहाल प्रचण्ड मध्यप्रदेशको इन्दौरबाट नयाँ दिल्ली आइपुग्नुभएको छ । नेपाली प्रतिनिधिमण्डलसहित उहाँ विशेष विमानमा नयाँ दिल्ली आइपुग्नुभएको बताइएको छ ।
प्रधानमन्त्री दाहाल आजै अपरान्ह ४ः२० मा नयाँ दिल्लीबाट नेपाल वायुसेवा निगमको उडानमा स्वदेश फर्कने कार्यक्रम छ । उहाँले आज बिहान इन्दौरको विशेष आर्थिक क्षेत्रको भ्रमण गर्नुभएको थियो ।
सो क्रममा प्रधानमन्त्रीले सुनाखरीको बिरुवा रोप्नुभएको थियो । हिजो प्रधानमन्त्री दाहालले उज्जैनस्थित श्री महाकालेश्वर मन्दिरमा पूजापाठ गर्नुभएको थियो । हिजै फोहर व्यवस्थापनबारे जानकारी लिनुभयो ।
हिजो राति उहाँको सम्मानमा मध्यप्रदेशका मुख्यमन्त्रीले रात्रिभोजको आयोजना गर्नुभयो । प्रधानमन्त्री भारतको चार दिने भ्रमणका लागि गत बुधबार दिउँसो काठमाडौंबाट नयाँ दिल्ली पुग्नुभएको थियो ।
टिप्पणीहरू