उपत्यकाको विकासमा विश्व बैंकसँग सहकार्यको प्रस्ताव

उपप्रधान एवम् सहरी विकासमन्त्री प्रकाशमान सिंहले काठमाडौं उपत्यकामा विश्व बैंङ्कको सहकार्यमा मन्त्रालयले काम गर्न चाहेको जनाउँदै सहकार्यको  प्रस्ताव गर्नुभएको छ । विश्व बैंकका उच्च अधिकारीहरू सम्मिलित टोलीसँगको भेटमा उहाँले उक्त धारणा राख्नुभएको बताइएको छ । 

आज बिहान भएको भेटमासहरी विकास मन्त्रालयअन्तर्गत सञ्चालित नेपाल सहरी शासकीय तथा पूर्वाधार आयोजनाका विषयमा छलफल भएको थियो । मन्त्री सिंहले उपत्यकाका नदीनाला व्यवस्थित गर्ने, सांस्कृतिक सहरका रूपमा उपत्यकालाई विकास गर्ने, जलवायु परिवर्तन र पूर्वाधार विकासका क्षेत्रमा सहकार्यका लागि टोलीसँग आग्रह गर्नुभएको हो ।

टोली प्रमुख तथा विश्व बैंकका नेपाल, माल्दिभ्स र श्रीलङ्काका लागि अपरेसन म्यानेजर प्रीति अरोराले नेपाल सरकारको प्रस्तावमा बैंक सकारात्मक रहेको जानकारी दिनुभएको बताइएको छ ।