प्रधानमन्त्रीको भारत भ्रमणबारे महेश बस्नेतको ठोकुवा

नेकपा (एमाले) का नेता महेश बस्नेतले पार्टी अध्यक्ष तथा प्रधानमन्त्री केपी शर्मा ओली भारत भ्रमणमा जान लागेको ठोकुवा गरेका छन् । उनले सामाजिक सञ्जालमार्फत् प्रधानमन्त्री ओली आगामी पुष २५ गते भारत भ्रमणमा जाने दाबी गरेका हुन् । 

उनले लेखेका छन्, ‘प्रधानमन्त्री केपी शर्मा ओलीज्यू आगामी पौष २५ गतेदेखि चार दिने भारत भ्रमणमा जाने तय भएको छ ।’

यसअघि चीन भ्रमणबाट फर्किएपछि प्रधानमन्त्री ओलीले पनि भारत भ्रमणको तयारी भइरहेको बताउनुभएको थियो । उहाँले एक कार्यक्रममा भन्नुभएको थियो, ‘मान्छेहरुले पत्याएका छैनन्, तर म भारत पनि जान्छु, तयारी सुरू भइसक्यो ।’