हज यात्राका लागि आवेदन माग, १२ सय कोटा निर्धारण
नेपालबाट साउदी अरबको मक्का मदिनामा हज गर्न चाहने इस्लाम धर्मावलम्बीहरूसँग आवेदन मागिएको छ ।
गृह मन्त्रालय अन्तर्गतको हज समितिले सन् २०२६ का लागि आवेदन खुलाएको हो । आज जारी सूचनामा १२ सय जनाले हज गर्न सक्नेगरी साउदी अरब सरकारबाट कोटा निर्धारण भएको जनाइएको छ ।
उक्त कोटामा जान इच्छुक मुस्लिम समुदायका व्यक्तिले आजबाट आगामी असोज २० गतेसम्म आवेदन दिन सक्नेछन् । हज यात्रीले जिल्ला प्रशासन कार्यालयमा पहिलो किस्ताबापत डेढ लाख रुपैयाँ बुझाउनुपर्नेछ ।
यससम्बन्धी विस्तृत जानकारीका लागि हज समितिको सचिवालयमा सम्पर्क गर्न सकिने सूचनामा उल्लेख छ ।
ट्रेन्डिङ पोस्ट
टिप्पणीहरू