सय ट्याब्लेट नाइट्राभेटसहित अरूण समातिए

प्रहरीले सिरहामा अवैध लागूऔषधसहित एक पुरुषलाई पक्राउ गरेको छ । गोलबजार नगरपालिका-५ बस्ने ३२ वर्षीय अरूणकुमार साहलाई आज प्रहरीले लागूऔषधसहित नियन्त्रणमा लिएको हो ।

प्रहरीका अनुसार उनको साथबाट छ सय ट्याब्लेट नाइट्राभेट र इन्जेक्सन बरामद गरिएको छ । अरूणले आफ्नै घरमा उक्त लागूऔषध लुकाएर राखेको प्रहरीले बताएको छ ।

प्रहरी कार्यालय गोलबजारबाट खटिएको टोलीले उनलाई पक्राउ गरी थप अनुसन्धान गरिरहेको छ ।