दाउरेले हानेको चिर्पटले सुकुमायाको देहान्त

सिन्धुपाल्चोकमा एक पुरुषले चिर्पटले हानेर श्रीमतीको हत्या गरेका छन् । घरायसी वादविवादका कारण उनले ४४ वर्षीया सुकुमाया तामाङलाई मारेका हुन् ।

हत्या अभियोगमा ४४ वर्षीय दाउरे भन्ने मेखबहादुर तामाङलाई नियन्त्रणमा लिइएको प्रहरीले जनाएको छ । चौतारा साँगाचोकगढी नगरपालिका-१ स्याउले बस्ने दाउरेलाई प्रहरीले गएराती समातेको हो ।

श्रीमान दाउरेले हानेको चिर्पट र ढुङ्गाबाट गम्भीर घाइते भएकी सुकुमायाको उपचारका क्रममा मृत्यु भएको जिल्ला प्रहरी कार्यलयले बताएको छ । गम्भीर घाइते सुकुमायाको जिल्ला अस्पतालमा उपचार भइरहेको थियो ।