आज २२ जना संक्रमित,मृत्युदर शुन्य

पछिल्लो २४ घण्टामा मुलुकभर २२ जना कोरोना संक्रमित भेटिएका छन् । तीन हजार आठ सय ३५ जनामा परीक्षण गर्दा उक्त संख्यामा संक्रमित पुष्टि भएको हो ।

स्वास्थ्य तथा जनसंख्या मन्त्रालयका अनुसार उक्त अवधिमा ७५ जना संक्रमणमुक्त भएका छन् । हाल मुलुकभर कोरोना संक्रमण निको हुने दर ९८ दशमलव ७ प्रतिशत छ । अझै एक हजार २२ जना सक्रिय संक्रमित छन् ।

गत २४ घण्टामा काठमाडौंमा पाँच जना संक्रमित थपिएका छन् । भक्तपुर र ललितपुरमा संक्रमित भेटिएका छैनन् । काठमाडौंमा सक्रिय संक्रमितको संख्या एक सय ३६ रहेको छ । भक्तपुरमा चार र ललितपुरमा एक सय २५ जना छन् ।

आज संक्रमणका कारण कसैले पनि ज्यान गुमाएका छैनन् । हालसम्म कोरोनाका कारण ११ हजार नौ सय ५१ जनाको मृत्यु भइसकेको छ ।