अमेरिकी सांसदहरुसँग भेटघाट गर्ने टोलीमा सबै दलका सांसद

हिजोदेखि नेपाल भ्रमणमा आएको अमेरिकी सांसदहरुको प्रतिनिधिमण्डलसँग आज दिउँसो नेपाली सांसदहरुले पनि भेटवार्ता गरेका छन् । पहिले बिहान ११ बजेको लागि तय गरिएको भेटघाट एक घण्टापछि धकेलिएको थियो ।

प्रतिनिधिमण्डल बसेको नागपोखरीस्थित होटल मेरिएटमा नेपालका सांसदहरु डा.मीनेन्द्र रिजाल,नेकपा एमालेका सांसद नवराज सिलवाल,बिन्दा पाण्डे, नेकपा माओवादी केन्द्रका शक्ति बस्नेत,सत्य पहाडी,नेकपा एकीकृत समाजवादीका जीवनराम श्रेष्ठ, बिन्दा पाण्डेलगायत भएको बताइएको छ ।

सांसदहरु होटलमा १२ बजे पुगेर साढे १ बजे निस्किएका थिए । अमेरिकी टोलीमा सिनेटर क्रिस्टेन गिलब्राण्डको नेतृत्वमा सेल्डन ह्वाइट हाउस,कोरी बुकर,मार्क केली र प्रतिनिधिसभा सदस्य मोन्डेयर जोन्ससहित पाँच जना सांसद छन् । भेटघाटमा नेपालका लागि अमेरिकी राजदूत रेण्डी बेरीको पनि उपस्थिति थियो ।