भारतीय दूतावासका ठूला बडा सबै प्रचण्ड निवासमा

नेकपा माओवादी केन्द्रका अध्यक्ष पुष्पकमल दाहालको निवास खुमलटारमा हिजो अपरान्ह भारतीय दूतावासका कार्यवाहक राजदूतदेखि हुनेवाला डिसिएम्मसम्मको टोली पुगेको छ ।

अध्यक्ष प्रचण्डसँग झण्डै ४५ मीनेट भेटवार्ता गरेको टोली त्यहाँबाट पौने ५ बजे बाहिरिएको स्वकीय सचिव रमेश मल्लले बताए ।

आज खुमलटार पुगेको टोलीमा दूतावासकी कार्यवाहक राजदूत (चार्ज डे अफेयर्स) नाम्ग्य सी खम्पा,नवनियुक्त डिसिएम श्रीवास्तव र प्रथम सचिव रोहित मिश्र सम्मिलित थिए ।मिश्रले दूतावासमा राजनीति र शिक्षा विभाग हेर्छन् ।