चुनावअघि केपीको पाउ छोएका पुण्यलाई बिदा चाहिएन

सामाजिक सञ्जालमा उग्र कुरा गरेर ’भाइरल म्यान’ को परिचय बनाएपछि एमाले नेता बनेका पुण्य गौतम पक्राउ परेका छन् । दुई दिन बिदा दिने सरकारको निर्णयको विरोधमा आज माइतीघर मण्डलामा अनसन बस्न लागेको बेलामा प्रहरीले उनलाई नियन्त्रणमा लिएको हो ।

दुई दिने बिदाको खारेजी र पेट्रोलियम पदार्थमा भएको मूल्यवृद्धि फिर्ताको माग गर्दै माइतीघरमा पलेटी कसेका गौतमलाई समातेर प्रहरीले सिंहदरबार लगेको हो ।

आफ्ना विवादित हर्कतका कारण चर्चामा आइरहने गौतम हालै नेकपा एकीकृत समाजवादी परित्याग गरि केपी ओलीको पाउ छोएर एमाले प्रवेश गरेका थिए । उनले गत वैशाख २७ गते एमालेले भृकुटीमण्डपमा आयोजना गरेको आमसभामा ओलीलाई विश्वकै राजनेता भनेर पाउ छुँदै एमाले बनेको घोषणा गरेका थिए ।

उनलाई एमाले बनाएको प्रमाणस्वरुप अध्यक्ष ओलीले भने एमालेको चुनाव चिन्ह सूर्यको झण्डा दिनुभएको थियो ।