अमेरिका भ्रमणमा जानुभएका प्रधानसेनापति लेबनानमा व्यस्त

अमेरिकाको औपचारिक भ्रमणको निम्ति जानुभएका प्रधानसेनापति प्रभुराम शर्मा यतिखेर लेबनानमा व्यस्त हुनुहुन्छ । उहाँ गत शनिबारदेखि त्यहाँको युनिफिल मिसन, लेबनानको औपचारिक भ्रमणमा रहनुभएका प्रधानसेनापतिले आज त्यहाँका उच्च अधिकारीहरुसँग औपचारिक भेट गर्नुभएको हो ।आज लेबनानका प्रधानमन्त्री नाजिब अज्मी मिकाटी, रक्षामन्त्री मौरिस स्लिम, सभामुख नबिह बेरी र लेबनानी सेनाका प्रमुख जोसेफ खलिल औनसँग शिष्टाचार भेटघाट गर्नुभएको छ ।सो क्रममा लेबनानमा शान्ति स्थापनार्थ नेपाली शान्ति सैनिकहरुको भूमिका, नेपाल र लेबनानबीचको सैनिक सम्बन्धबारे विचारविमर्श भएको छ ।त्यसैगरी दुई राष्ट्रबीच रही आएको पारस्परिक सम्बन्ध एवम् हितका विषयमा पनि छलफल भएको सेनाको जनसम्पर्क तथा सूचना निर्देशनालयले जनाएको छ ।