बीमा समितिविरुद्ध निर्माण व्यवसायीहरुको चेतावनी
बीमा दररेटमा देखिएको समस्याका कारण १७ हजारभन्दा धेरै निर्माण व्यवसायीले चर्को आर्थिक समस्या भोग्नुपरेको कारण देखाउँदै तीन ठूला निर्माण व्यवसायीहरुले विरोध जनाएका छन् । डि–ट्यारिफमा जाने र बीमा समितिका अध्यक्षलाई जानकारी गराउँदै अनुमोदनको लागि सिफारिस गर्ने सहमति विपरित समितिले पत्र लेखेपछि व्यवसायीहरुले आन्दोलनमा उत्रने चेतावनी दिएका हुन् ।
नेपाल निर्माण व्यवसायी संघका अध्यक्ष रवि सिंह, स्वतन्त्र ऊर्जा उत्पादकहरुको संस्थाका उपाध्यक्ष गणेश कार्की र हेभी इक्विपमेन्ट व्यवसायी संघका महासचिव सुरेश खत्रीले जारी गरेको संयुक्त विज्ञप्तिमा बीमा समितिसँग भएको वार्ता परिणाममुखी नभएपछि समितिले असार २ गते पठाएको पत्रमा पूर्णअसहमति रहेको उल्लेख गरेका छन् ।
विज्ञप्तिमा समितिलाई उक्त पत्र खारेज गर्न अनुरोध गर्दै सात दिनको अल्टिमेटम दिइएको छ । उनीहरुले सरोकारवालाहरुको सहभागितामा नयाँ निर्देशिका जारी गर्न माग गर्दै गरेका छन् ।
ठेकेदारहरुले रवि सिंहको नेतृत्वमा पाँच सदस्यीय संघर्ष समिति पनि गठन गरेका छन् ।
टिप्पणीहरू